學生的話

狗狗: 小B (史納沙)
行為問題: 咬主人, 護物, 隨地撿食物
主人的話: 課堂中令我掌握了如何教懂狗狗分辨對與不對的指令。雖然未能馬上改變狗的不良習慣，但已有明顯 改善。當狗狗有頑皮行為時，現在我都懂得如何應對!
- Ada Leung

狗狗: 妹妹 (小牧)
行為問題: 吠叫
主人的話:其實開頭都搵過好幾個嘅訓犬師嘅~有D可能平少少啦，有D又真係貴到我比唔起，當時都只係希望你可以令妹妹可以唔好再吠，咁都係諗住一試啦!!!咁到真正見到你嘅時候，你嘅解釋話比我知係要長時間去改變，又見到亞妹個樣，梗係有少少心痛啦，但係都要硬起心長啦，因為我唔想張佢交比第二個主人，咁上左幾堂加上你又講我知多D狗嘅知識就令我覺得你都唔係下下都講錢WOR，其實可能其他人會叫我再買多幾課，睇下可唔可以再改善一下，但係你又重來唔會WOR，雖然最後個堂你都有講過妹妹係好難令佢成為一隻出色又好乖既名犬，雖然而家都會吠少左，但起碼我知道有D野係迫都迫唔到，迫到嘅可能係我同妹妹嘅關係變差，仲有一點... 點解覺得你係好人呢!!!!就係完左咁多堂你都肯聽電話，幫手又介紹一D好嘅狗用品比我~真係好多謝你呀，有機會嘅可以一齊下食飯呀!!我真係冇諗過會同一個訓犬師做到朋友呀!!!謝謝你呀
- Jerry

狗狗: 欣欣 (金毛尋回犬)
行為問題:護物
主人的話: 啱啱同"欣欣"上完第一堂"行為糾正",我用你教嘅方法去阻止佢入浴缸,開頭佢惡到死,但係....哈哈!!佢結果好乖咁自己出返浴缸.......真係好work 呀!! 不過我須要d時間去學下自己把聲嘅控制先,唔係好快會喉嚨痛........希望下堂見你時會有進步,係我同欣欣一齊進步.....thank you 呀
- janics

狗狗: 助助 (貴婦)
行為問題: 吠叫，攻擊其他犬隻
主人的話: 上完”犬隻訓練”後，先知原來自己對狗隻既了解係咁"膚淺"。

未養狗前，以為養狗只係"得閒拎佢過黎玩吓"、"比飯佢食"就夠；養狗後先發覺原來係要細心照顧佢,
唔止起居飲食、日常打理、小心家居陷阱等。

後來兩隻大佬成日打交，其中一隻更經常"吼"我既時候，發覺唔對路就上網搵資料，大大發現"犬隻訓練"呢樣野。

“犬隻訓練” 原來係教人，並唔係教狗；搵咗Jacky了解後，知道我呢兩隻"大佬"就因為地位上做咗我"大佬"所以好多問題出現............
- Yummy Leung

狗狗: 醒醒 (唐狗)
行為問題: 搶繩，攻擊其他犬隻
主人的話: 我既唐狗醒醒喺半歲大開始對陌生人或者狗都有好高既警覺性，亦會即刻變得好緊張，會低吼露齒，到後期對其他狗狗有攻擊性，仲試過同其他狗打交，結果就係要逃避現實唔敢帶佢出街怕見到其他狗。後來同妹妹搵到trainer Jacky，原來醒醒就係可能因為太少機會見到其他狗狗，而且不知不覺之間同我地既地位角色已經出現混淆，亦可能係咁導致佢行為上出現咁多問題。所以我地要去學識點樣適當地去做番一個主人:原來日常生活所有好微少既動作/聲調等等都會對自己同狗狗既關係有重大既影響....所以我地由小節開始去學習點樣去做到狗狗既領袖，亦要戒左好多自己認為"愛鍚"佢地既表現，經過糾正好多好多錯誤既觀念之後，到而家醒醒既問題已經得到重大改善，當然自己亦要不停學習。個人認為Jacky訓練既理念先教好個主人再教好狗狗非常正確，而且最好係無需要使用暴力!畢竟要主人有心學習，先可以將自己既狗狗教到"出得廳堂"，亦能夠帶比狗狗健康快樂既生活，而主人同狗狗既感情亦會從訓練間培養，大家既關係從而更加深厚。
- Harmony Leung

狗狗: SamSam (金毛尋回犬)
行為問題: 搶繩, 撲人, 護物
主人的話: We knew JC online, and because we live in New York, we can't really take our dog to him and get train. But he's been such a great trainer, he helped us thru long distance phone calls! Not only that, he would send us message and check with us for progress. We saw SamSam's progress within a few weeks. Thank you very much JC!!
- Peggy Cheung